Samsung ရဲ့ kitkat update တွေကတော့ အားရစရာ မရှိပါဘူး။ မနေ့ကလည်း note3 sm-n900 ကို kitkat 4.4.2 တင်စမ်းခဲ့သလိုပဲ ဒီနေ့မှာလည်း s4 gt-i9500 ကို kitkat 4.4.2 တင်စမ်းကြည့်ပါတယ်။ note3 ရော s4 ရော ထူးခြားချက် ကြီးကြီးမားမား မတွေ့လိုက်ရပါဘူး။ ပုံမှန် အတိုင်းပဲ android version ပြောင်းသွားတာမျိုးပါပဲ။
တစ်ခု စဉ်းစားမိတာက note3, s4 တွေဟာ စွမ်းအား ကြီးတဲ့ ကောင်းမွန်ပြီးသား device တွေ ဖြစ်နေတာကြောင့် kitkat ရဲ့ အပြောင်းအလဲကို မသိသာတာလားတော့ မပြောတတ်ပါဘူး။ ကောင်းနေပြီးသား၊ အဆင်ပြေနေပြီးသား ဆိုတော့ android version ပြောင်းသွားပေမဲ့ သိပ်မထူးခြားတော့ဘူး ဖြစ်နေတာလည်း ဖြစ်နိုင်ပါတယ်။
ဒါပေမဲ့ .... Samsung ရဲ့ ဒီ တစ်ခါ kitkat update တွေကို စိတ်ပျက်မိတာ၊ စိတ်တိုင်း မကျတာတော့ အမှန်ပါပဲဗျာ။ 4.0 ကနေ 4.1, 4.2 ကို ကူးခဲ့စဉ်တုန်းကလို အခု 4.4 အကူးအပြောင်းမှာလည်း သိသိသာသာ ထူးထူးခြားခြား ဖြစ်လာလိမ့်မယ်လို့ မျှော်လင့်ခဲ့ပေမဲ့ မှန်းချက်က မှန်းချက် အနေနဲ့ပဲ အဆုံး သတ်သွားခဲ့ပါပြီ။
ဘာပဲ ပြောပြောပေါ့လေ။ တင်ပြီးသွားမှတော့ မထူးတော့ပါဘူး။ s4 ရဲ့ kitkat 4.4.2 ကို တစ်ချက်လောက် ကြည့်ကြည့်လိုက်ကြရအောင်လားဗျာ။ :)
s4 ရဲ့ kitkat 4.4.2 မှာ အဓိက အနေနဲ့ သတိထားမိလိုက်တာက thread rendering ပိုမြန်လာတာကိုပါပဲ။ user input ကို response ပေးတာ ပို smooth ဖြစ်လာတဲ့ အပြင် main thread အနေနဲ့ run နေတဲ့ widgets, framework တွေပါ နှစ်ဆ နီးပါး ပိုမြန်လာတာကို တွေ့ရပါတယ်။ ဒါဟာ s4 ကိုင်ဆောင်နေသူတွေ အတွက် တကယ့်ကို ဝမ်းသာစရာပါပဲ။ s4 မှာ စတင်ခဲ့တဲ့ air view, air gesture စတဲ့ smart feature တွေကြောင့် s4 ဟာ response နှေးတဲ့ (တကယ် မနှေးပေမဲ့ နှေးသလိုလို ဖြစ်နေတဲ့) phone တစ်လုံးလို့ အပြောခံနေရာကနေ အခု kitkat 4.4.2 မှာတော့ အဲ့ဒိ အမည်းစက်ကို အတတ်နိုင်ဆုံး ချေဖျက်ဖို့ Samsung တို့ ကြိုးစားထားပါတယ်။ (Samsung android developer တွေကြောင့် မဟုတ်ပဲ kitkat frame ကိုက rendering တွေ ပိုမြန်လာတာကြောင့်လည်း ဖြစ်နိုင်ပါတယ်။)
Samsung android developer တွေဟာ အသစ် ထုတ်မယ့် s5 အတွက် အချိန် ကုန်နေမှန်း သိသာပါတယ်။ s5 ကိုပဲ တသသ လုပ်နေကြမယ့် ကာလထဲမှာ ဆိုတော့ ရောင်းစွံပြီးသား၊ အောင်မြင်ပြီးသား note3, s4 တွေဘက်ကို လှည့်မကြည့်အားသေးပါဘူး။ ဒါကြောင့်လည်း kitkat 4.4.2 update နဲ့ အတူ တစ်ခါတည်း ပြောင်းလဲပေးသင့်မှန်း သိနေတဲ့ TouchWiz UI အဟောင်းကြီးကို မပြောင်းလဲသေးပဲ နဂို မူလ အတိုင်း ထည့်ပေးထားလိုက်တာပေါ့ဗျာ။ ဒါပေမဲ့ မျှော်လင့်စရာ တစ်ခု ရှိတာက s5 ကို တကယ် ထုတ်ရောင်းတဲ့ အချိန်မှာ note3, s4 အပါအဝင် kitkat 4.4.2 update ရမယ့် samsung android device တွေ အကုန်လုံးကို new UI တစ်ခု ချပေးလိမ့်မယ်လို့ Samsung ပရိတ်သတ်ကြီးက အားခဲနေကြတယ်ပေါ့။
အခု s4 ရဲ့ kitkat 4.4.2 ကလည်း TouchWiz ပုံစံခွက် အဟောင်းထဲမှာပဲပေါ့။ ဘာမှ မပြောင်းလဲသေးဘူး။ ပြောင်းသွားတာ ဆိုတော့ (note3 လိုပဲ) battery icon လေးက အစိမ်းရောင်ကနေ အဖြူရောင် ဖြစ်သွားတယ်။ notification bar ကို in app တစ်ခုခုကနေ ဆွဲချလိုက်တဲ့ အခါ အရင် 4.3 တုန်းကလို solid အမည်းကြီး မကျလာတော့ပဲ transparent grey နဲ့ ပြပေးတယ်။ ဒါလောက်ပါပဲ။
home desktop launcher ကို ပြောင်းလဲပစ်ဖို့ ဆိုတာကလည်း တော်တော် ခက်သားပဲကိုး။ အသစ် အသစ်ကို သုံးချင်ပေမဲ့ ကိုယ်ချင်း အများကြီး စာပေးရပါတယ်။ တခြား android တွေထက် ပိုပြီး customize ဖြစ်တဲ့၊ သုံးရတာ လွယ်ကူ ထိရောက်တဲ့ Samsung TouchWiz UI ကို ကြိုက်နှစ်သက်လို့ပဲ Samsung သုံးနေကြတာ ဆိုတော့ စောင့်လက်စနဲ့ ဆက်လက် စောင့်စား အားပေးနေကြရတော့မှာပဲပေါ့လေ။
s4 က kitkat 4.4.2 ပေါ်မှာ တခြား မသိမသာ ကောင်းလာတာလေးတွေလည်း ရှိပါသေးတယ်။
- battery စားတာ နည်းနည်း လျော့သွားတယ်။
- အပူချိန် နည်းနည်း ကျသွားတယ်။
- octa core auto switching process တွေ နည်းနည်း ပိုကောင်းလာတယ်။
- air function တွေ နည်းနည်း ပို smooth ဖြစ်လာတယ်။
ဒီလောက်ပါပဲ။ s4 ရဲ့ kitkat 4.4.2 ကို ရုတ်တရက် ကြည့်လိုက်ရင် စိတ် ကျေနပ်စရာ ကောင်းလောက်အောင် ပြူးတူးပြဲတဲ မထူးခြားသွားပေမဲ့ regular usage မှာတော့ လက်မ ထောင်ပေးရမှာ အမှန်ပါပဲ ခင်ဗျာ။
အခု အချိန်မှာ kitkat 4.4.2 update ပေးခါစ ဆိုတော့ မြန်မာစာ built-in Myanmar Zawgyi ပါတဲ့ region THL Thailand firmware မရသေးတဲ့ အတွက် INS India region firmware တင်စမ်းထားတာကြောင့် မြန်မာစာ အခက်အခဲ ရှိနေပါသေးတယ်။ s4 kitkat 4.4.2 အတွက် root ဖောက်နည်း၊ cwm flash နည်းတွေ ရှိနေပြီ ဖြစ်ပေမဲ့ root, cwm တွေကို s4 gt-i9500 ရဲ့ octa core ပေါ်မှာ မလုပ်စေချင်တဲ့ အတွက် jellybean တုန်းက သုံးခဲ့တဲ့ zawgyi one flip font new v1.0 (s3, s4, note3 4.2.2+) ကိုပဲ အသုံး ပြုပြီး မြန်မာစာ ပြဿနာကို ဖြေရှင်းထားလိုက်ပါတယ်။ ၁၀၀% ပြည့် အဆင် မပြေပေမဲ့ အရေးကြီးတဲ့ နေရာတွေမှာတော့ သုံးလို့ ဖြစ်နေပါတယ်။
s4 kitkat 4.4.2 ပေါ်မှာ settings > display > font style နဲ့ ပြောင်းကြည့်ထားတဲ့ မြန်မာစာက ..
phone, contacts, message - မှန်
lock screen, apps drawer, desktop, settings - မှန်
facebook + facebook messenger - မှန်
hangouts (gtalk) - မှန်
gmail - မှား
internet browser, chrome browser - မှား
.. အဲ့လိုပဲ ဖြစ်နေပါသေးတယ်။ viber, skype တွေပေါ်မှာတော့ မစမ်းကြည့်ရသေးပါဘူး။ မှန်ရင် မှန်၊ မမှန်ရင် မှားပေါ့။ :P :P
သုံးတဲ့ keyboard ကတော့ ရိုးရာ အတိုင်း Bagan keyboard ပါပဲ။ Bagan keyboard ရဲ့ zawgyi fixes အောက်မှာ လေးခု ရှိတဲ့ထဲက type as unicode တစ်ခုတည်းကိုပဲ ဖျက်ထားရပါမယ်။ ကျန်တဲ့ သုံးခုကို အမှန်ခြစ် ခြစ်ပေးထားရပါမယ်။ ဒါမှ ရိုက်ရတာ အဆင်ပြေမှာပါ။ lock screen ပေါ်မှာ ပြပေးမယ့် personal information (settings > lock screen > lock screen widgets > edit personal message) ထဲမှာ ရိုက်ချင်တဲ့ အခါမျိုးကျမှ အဲ့ဒိ type as unicode ကို အမှန်ခြစ် ခြစ်ပေးရပါမယ်။ မဟုတ်ရင် ပဆင့်တွေ၊ ငသတ်တွေ ရိုက်လို့ မရပါဘူး။
အခု လောလောဆယ် kitkat 4.4.2 ကို root, cwm မလုပ်ပဲ iFont, zawgyi one flip font တွေ သုံးပြီး font install လုပ်ကြည့် စမ်းကြည့်သလောက်တော့ ၇၀% လောက်ပဲ အဆင်ပြေပါသေးတယ်။ ဒါတွေကလည်း android version အပြောင်းအလဲမှာ ဖြစ်နေကျပါပဲ။ ကျွန်တော်တို့လို common user တွေ အနေနဲ့ အချိန် ကာလ တစ်ခု အထိတော့ စောင့်နေကြရဦးမှာပါ။
မြန်မာစာ အမှန်ကို မဖြစ်မနေ လိုအပ်တယ် ဆိုရင်တော့ 4.2.2, 4.3 ကနေ 4.4.2 ကို မမြင့်သေးပဲ built-in Myanmar Zawgyi ပါတဲ့ region THL Thailand firmware လို firmware မျိုးတွေ ရလာတဲ့ထိ နောက် တစ်လလောက် ထပ်စောင့်နေလိုက်ပါဦးလို့ အကြံ ပြုပါရစေ။
rooting, custom recovery flashing ဆိုတာတွေက developer တွေ အတွက် ပိုသင့်လျော်တာကြောင့် s4, note3 တို့လို စွမ်းအား ကြီးလေ .. အတိမ်းအစောင်း မခံလေ ဖြစ်တဲ့ device တွေကို root, cwm တွေ လုပ်ထားပြီး သုံးဖို့ ဆိုတာ user experience အများကြီး လိုအပ်ပါလိမ့်မယ်။ ကိုယ်တိုင် မကျွမ်းကျင်ဘူး၊ ဖြစ်လာမယ့် error တွေကို on the spot မရှင်းလင်းနိုင်ဘူး ဆိုရင်တော့ root, cwm တွေနဲ့ မြန်မာစာ ထည့်သုံးတာမျိုးကို ရှောင်သင့်တယ်လို့ အကြံ ပြုလိုက်ရပါကြောင်း ....
PWK.
February 28, 2014.
ဂယောင်ဂရင် ဖြိုး @ facebook
https://www.facebook.com/groups/513079698764647/
https://www.facebook.com/pages/Future-for-smartphones/224468341029838
0 comments:
Post a Comment